افعل خير وعقه بحر تلقاه في البر

مره من الايام في بلده من البلدان الاسلاميه كان في ريال
وهذا شو شغله؟ ... كان خيااط يخيط للناس وحرمته كانت اتساعده في الخياطه ... وهذا الريال عيبه انه كان بخيل وحرمته كانت وايد اتحب اتساعد الناس يعني مثل ربعهاا الي محتايه شي بتفصل شي وبتدفع عقب المهم مره واجعهاوقال اتسيرين واتشليين فلووس كل قطعه بعتيها على ربعج الي ما عطووج بيزات المهم سارت تتطلب فلوسها من الحريم كانن ثلاث حريم اول وحده سارتلهاا عطتهاا فلوس ويلست اتحط عليها قالتلها عفان الله كنت بعطيج اياهن بس نسيت اطرشلج اياهن وعقت عليها من هاي الرمسه المهم شلت الفلوس وسارت عند ثاني وحده طلبت منهاالفلوس .. الثانيه عندهابس ما تبا تعطيهاا لانهاا محتايتلهن ريلهاا كان متوفي وما خلالهم شي والفلوس الي عندها ما شحات وما تبا تعطينهن الحرمه لانه اذا عطتها ما بتقدر تطعم عيالها.. المهم سارت مرت الخياط عنها اتدبر فلووس لانهاا ما بتعرف اترد على ريلها من كثر ما كان زظي يحاسبها على الوار وين ودته فدبرت الفلوس على الاساس اتسد عن الحرمه الثانيه وعقب سارت عند الثالثه تطلب فلوس القطعه يعني الخلـ ـقـهاانزين الثالثه هاي قالت انها طرشت الفلوس ويا ولدها المحل ردي انتي هناك وبتشوفينه عطاهن ريلج وهي تجذب المكان الي عايشه فيه الحرمه بعيد من الخياط اب وايد يعني اذا سارت اب صعوبه تقدر ترجع المهم ردت و عطت ريلها الفلوس الي عندها وقالت انه الثالثه طرشت ولدها يعني المفروض يكون واصل قالها محد وصل ولا حد ياب شي وتم يواجعها ويفاتن وقال يا ويلج ان عدتي الحركه هاذي المهم عقب كم شهر سافر الريال على زمان اول كانوا يسافرون في اللنجاات مال بحر الي يكون فيه النوخذه وغير وغير انزين فا كان ساير الهند عشان يشتري قطع حق خياطه قبل لا العيد يستوي عشان الناس تي اتفصل في العيد عنده المهم فا يوم سار محد كان في الخياط غير حرمته اتخيط واتبيع فا يتهاا الحرمه وحده من الثلاث بس هاي اي وحده الثانيه الي كان عندها بيزات وما رامت تعطيها عشان تطعم عيالها الايتام ... الي كانت تباه الحرمه المسكينه قطعه كانت مادري شو تباه اتفصلها حق العيد وتمت اتحن عليها وحرمة الخياط اتقوللها اسمحيلي يعني عقب السالفه الي استوت ماقدر وتمت الفقيره تشرح ظروفها واتحن على مرت الخياط لين ما كسرت خاطرها وعطتها الي تباه وكانت مرت الخياط وايد خايفه من ريالها... المهم الي استوى في الريال عقب ما خلص شغله في الهند كانوا رادين وهم رايدين في البحر ياهم طوفاان في البحر واتحطم هذا اللنج على قولتهم ( السفينه ) ماتوا كلهم الا الخياط ما غرق كل ما يبا يغرق يشوف خلقه الي هي قطعه جدامه يتقبض فيها مب صدق بس يتراواله المهم ويرد يتعلق فيها وتم يتعلق في القطعه لين ما وصلته على السيفه الي هو (الشاطيْْْْْء) المهم من بلاد لين بلاد وصل بلاده وعقب وصل بيتهم يوووم وصل البيت قال حق حرمته حطيلي القهوه والتمر .. وعقب ما حطتله ويلست وياه اتخبرهاا قاللها تعالي بتخبرج انتي شو سويتي يوم كنت مسافر وتمت الحرمه خايفه ما تعرف شو اتقوول لين ما اتكلمت قالتله بقولك بس لا تعصب ولا تحرج وخبرته بالسالفه وقاااااااللهاا يجززززاج الله الف ألف خير وانصدمت الحرمه وخبرها بالسالفه واستانست الحرمه من ريلها انه اتغير وايد وحمدت ربهاا
الي حبيت اقوله من هاذي القصه انه النااس الحينه اتقوول خيرا" تفعل شرا" تلقى ... لكن الي ابا اقوله افعل الخير وعقه بحر .. تدرون وين بتقولنه على البر لانه الواحد يوم يسوي خير ويعقه بحر ما يفتكر فيه يردله الخير في البر فا حلو الواحد يوم يساعد الناس ويستويله موقف مثل جي وربج يساعده ترتاحين اتحسين انه الي سويتيه ربج راضي عليه.. وهاذي الفصه يدتي قالتلي اياها يوم كنت مريض ومرقد في المستشفى كانت دوم اتقولي قصص يوم انا ياهل فا يوم يتني المستشفى نست تاخذلي هديه جان اتحرطم عليهاا P= حصلتها فرصه وقالتلي خلاص شو تبا بسير اخذلت جان اقول مابا شي مابا اتعبها وكنت اسولف فا قلتلها ابا قصه D= وقالت لي الي قلته وحبيت انقله هني وسلامتكم اسمحولي اذا الي قلته فيه شي غلط ولا ما عيبكم

....................................................................................................................